ژیانی سەگ زۆر ناخۆشە ، شەوانە تا خۆر ھەڵدێ ئەگەفێ و پاسەوانی دەرگەی ماڵانە بەو ھومێدەی مرۆڤ بەیانی پاشماوەی خۆی پێ ببەخشێ ، بە پێچەوانەوە گورگ پشتی نەکردە سروشتی خۆی و کۆمەڵگای خۆی پاراست و بە سەربەخۆیی ژیا .

سەربەخۆ | ئاکام کامرانی

زوڵم و پیسی لە دنیا بگرین ئایا دنیا جوانتر ئەبێ ؟ گەر بێت و مرۆڤەکان ھەموو ببنە مەسیحیش ، دنیا لەمە زیاتر بێ تاقەتمان ئەکا .

دنیای جوانتر | ئاکام

چیتر ھی من نیت
مەگەر بەردەوام
لە ھەر دەرفەتێ
وریای دڵت بم !

چیتر شکاوم
مەگەر تا ئەبەد
لە ھەڵدێرگەی ژین
تامەزرۆی ھەست و
وێنەی گوڵت بم...

ھەڵدێرگە | ئاکام کامرانی

---

• ھەڵدێرگە : کەن ، پرتگاە

مرۆڤی تووڕە دڵێکی خاوێنی ھەیە ، ئەوەی لە دەروونی ناخێتی بە تووڕە بوون نیشانی ئەدا و بەدەری ئەخا ، بەو بۆنەوە ھیچ بەرنامە و نەقشەیێک بۆ دواتر دەسنیشان ناکا و پاشان تووڕەبوون دڵی چۆڵ و ھۆڵ ئەبێتەوە .

تووڕەیی | ئاکام کامرانی

مرۆڤی وەستاو ، تووشی زوڵم و زۆری دەور و بەری خۆی ئەبێ ، وەک ئاوی وەستاو کە چۆن بێ کەڵکە و دەگەنێ ، مرۆڤی نابزۆز و بێ دەسەڵات وەبەرە لاواز ئەبێ و تووشی بۆگەنی و خەسار ئەبێ . مرۆڤ پێویستە ئیرادەی گۆڕناکاری و جووڵاندنی خۆی و رووداوەکانی دەور و بەری بێ .

وەستاوی | ئاکام کامرانی

---

• وەستاو ، نابزۆز : منفعل

لە چۆڵگەی بوونم
لە بازنەی رووداو
تەنیا دوو راستی
تۆمار کرابوو
وێنەی ئاوێنە و
ھەژمەتی مردن !

لە گرتەی ژین و
لە بیرگەی زەینم
تەنیا دوو ھێما
زاڵ و گرنگ بوو
ھەنگاوی زەمەن
مەترسی تەمەن...

چۆڵگە | ئاکام کامرانی

---

• چۆڵگە : بیابان
• بازنە : دایرە
• ھەژمەت : غم
• گرتە : فیلم
• بیرگە : حافظە

ھەبوون زۆرانێکە لە نێوان دوو ھەستی دەروون ، ھەستێک دڵخۆشە بە رووبەڕوو بوونەوە لەگەل رووداوەکانی ژیان ، تاسەیێکی ھەرمانە بۆ ھەڵھاتنی ئاسۆی بەیانی و بەردەوامە بۆ بینینی دەسکەوتی تازە .و ھەستێکیش کە ماند

دوو ئەوەندەی تەنیایی مەترسی بێ ، ژیانی ھاوسەری ھەیێتی . کەچی نەبوونی ھەردووش ھەر کێشەیە .

کێشە | ئاکام کامرانی

سەرکوت کردنی کورد ، بڕیارێکی جیھانییە ، سوسیالیسم و لیبرالیسم و دێموکراسیەت تەنیا درۆیەک بوو بۆ چەپاو کردنی خەڵکی جیهانی سێەهم .

بڕیار | ئاکام کامرانی

ئەڵەی ناتناسمقسەت گۆڕیوە بۆ وەک بێگانەی ؟ شەرمت بڕیوە... خۆت لەبیر مەکەخۆم رێگەم پێ دای پەروەردەم کردی بۆ دڵم وەستایخۆت نامۆ نەکەی ئەی شانازی من بـوونت گــــرن